जळगाव शहरातील एमआयडीसी परिसरातील घटना
जळगाव (प्रतिनिधी):- कंपनीत पंखा लावत असताना विजेचा धक्का लागून अनिल बारेला (मूळ रा. मध्यप्रदेश) या कामगाराचा मृत्यू झाला. ही घटना बुधवारी २८ मे रोजी औद्योगिक वसाहत परिसरातील एका चटई कंपनीत घडली. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
अनिल बारेला हा जळगावातील औद्योगिक वसाहत परिसरामधील एका चटई कंपनीत कामाला होता. बुधवारी सकाळी कंपनीत पंखा लावत असताना त्याला विजेचा धक्का लागला. ही घटना आजूबाजूला काम करणाऱ्यांच्या लक्षात आली. त्यांनी त्याला शासकीय वैद्यकीय महाविद्यालय रुग्णालयात दाखल केले असता डॉक्टरांनी तपासून मयत घोषित केले. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
