जळगाव (प्रतिनिधी) : तालुक्यातील शिरसोली येथील बांधकाम व्यवसायिकाच्या मालकीचे ट्रॅक्टर आणि ट्रॉलीची चोरी केल्याची घटना रविवारी दि.२६ मे रोजी सायंकाळी ५ वाजेच्या सुमारास उघडकीला आली आहे. याप्रकरणी मंगळवारी दि. २८ मे रोजी रात्री 10 वाजता एमआयडीसी पोलीस ठाण्यात अज्ञात चोरट्यांवर गुन्हा दाखल करण्यात आला.
मधुकर धोंडू पाटील (रा.शिरसोली ता. जळगाव) हे शेती आणि बांधकामाचा व्यवसाय करून उदरनिर्वाह करतात. त्यांच्याकडे ट्रॅक्टर क्रमांक एमएच १९ सी ८३३२ आणि ट्रॅक्टरची ट्रॉली आहे. दरम्यान २४ मे रोजी रात्री ८ वाजता हे ट्रॅक्टर आणि ट्रॉली त्यांच्या घराचा समोर पार्किंगला लावली होती. अज्ञात चोरट्यांनी हे ट्रॅक्टर आणि ट्रॉली चोरून नेली. ही घटना रविवारी २६ मे रोजी सायंकाळी ५ वाजेच्या सुमारास लक्षात आले.
मधुकर पाटील यांनी मंगळवारी दि. २८ मे रोजी रात्री १० वाजता एमआयडीसी पोलीस ठाण्यात धाव घेऊन तक्रार दिली. त्यानुसार अज्ञात चोरट्यांवर गुन्हा दाखल करण्यात आला. पुढील तपास पोलीस हेडकॉन्स्टेबल गणेश शिरसाळे करीत आहे.
