चोपडा तालुक्यात कुसुंबा येथे घटना
चोपडा (प्रतिनिधी) :- तालुक्यातील कुसुंबा येथे रात्री मोठा दरोडा पडला. चोरट्यांनी घरातून ७.९ तोळे सोने व २० हजार रुपये रोख रक्कम चोरट्यांनी लंपास करून शिताफीने पसार झाले. चोपडा ग्रामीण पोलीस स्टेशनला गुन्हा दाखल झाला आहे.
कुसुंबा गावात दि. १० रोजी रात्री ८ ते सकाळी ६ वाजेच्या दरम्यान तुषार शामकांत पाटील यांच्या घरातील मागच्या दरवाजाचे कडी कोयंडा तोडून चोरटयांनी घरातील ७.९ तोळे सोने व सोन्याचे दागिने तसेच २० हजार रुपये रोख रक्कम असे ७ लाख ३६ हजार रुपयाचा ऐवज घेऊन चोरटे पसार झाले. याबाबत चोपडा ग्रामीण पोलीस ठाण्यात तुषार शामकांत पाटील यांच्या फिर्यादीवरून अज्ञात आरोपी विरुद्ध गुन्हा दाखल करण्यात आला आहे. घटनास्थळी उपविभागीय पोलीस अधिकारी आण्णासाहेब घोलप यांचे मार्गदर्शनाखाली चोपडा ग्रामीणचे पोलीस निरीक्षक, पोलीस कॉन्स्टेबल सुनील कोळी, विनोद पवार स्थानिक गुन्हे शाखेचे रवींद्र पाटील यांनी दिवसभर तपासाची कारवाई केली. श्वान पथक, फॉरेन्सिक लॅबचे पथक व फिंगर प्रिंटचे पथक यांनी संपूर्ण परिसर पिंजून काढला. पुढील तपास पोलीस निरीक्षक यांच्या मार्गदर्शनाखाली हे करीत आहेत.
