जळगाव ( प्रतिनिधी ) – चोरलेले दागिने तारण ठेऊन कर्ज काढणारे तीन आरोपी पकडण्यात पोलिसांना साडे तीन महिन्यांच्या तपासानंतर यश आले आहे न्यायालायने या आरोपींना पोलीस कोठडीत ठेवण्याचे आदेश दिले आहेत .
27 ते 30 सप्टेंबर , 2021 दरम्यान फारुख अब्दुल गप्फुर देशमुख ( रा. मास्टर कॉलनी, के.जी. एन. डेअरी जवळ ) हे त्यांच्या मुलीची तब्येत खराब असल्याने बरणगाव येथे गेले असतांना त्यांच्या घरात कुलुप तोडुन घरात प्रवेश करून अज्ञात इसमाने घरात ठेवलेले 65,000/- रुपये रोख व दागीने असा 1.42,000/- रुपयांचा मुद्देमाल चोरी केला होता.एम. आय. डी.सी. पोलीस ठाण्यात 30 सप्टेंबर 2021 रोजी गुन्हा दाखल करण्यात आला होता.
तपासात पो.ना. इम्रान सैय्यद यांना माहीती मिळाली कि. चोरी केलेल्या दागीन्यापैकी 20 ग्रॅम वजनाचा सोन्याचा हार मुथ्युट फायनान्स येथे तारण ठेवण्यात आलेला आहे. फायनान्स कंपनीत किती दागीने तारण ठेवले आहे याची माहीती घेतली असता जावीर खान साबीर खान याचे नावावर चोरीस गेलेला 20 ग्रॅम वजनाचा सोन्याचा हार 60,000/- रुपयामध्ये तारण ठेवण्यात आला होता. हाराचा फोटो फिर्यादी फारुख अब्दुल यांना दाखविला त्यांनी हार ओळखल्याने जाबीर खान साबीर खान यास ताब्यात घेण्यात आले होते. जाबीर खान याने तो हार हा त्यास वसीम कबीर पटेल ( वय 22 वर्ष, रा. नशेमन कॉलनी, मास्टर कॉलनी ) व समीर शेख फिरोज ( वय 22 वर्ष, रा. मास्टर कॉलनी ) यांनी त्यांचाच असल्याचा सांगुन दिला होता व जाबीर याने त्याचे नावावर तारण ठेवून 60,000/- रुपये त्यांना दिल्याची माहीती दिली .
पो नि प्रताप शिकारे यांच्या मार्गदर्शनाखाली या आरोपीना पोउनि दिपक जगदाळे, स.फौ. अतुल बंजारी, पो.ना. दत्तात्रय बडगुजर, इमान सैय्यद, मुदस्सर काझी, गोविंदा पाटील, सचिन पाटील, सुधीर सावळे, निलोफर सैय्यद यांनी मास्टर कॉलनी येथुन अटक केली त्यांनी गुन्हा कबुल केला वसीम कबीर पटेल हा रेकॉर्डवरील गुन्हेगार असून त्याच्यावर यापूर्वी 5 चोरी, घरफोडीचे गुन्हे दाखल आहेत . आरोपीना न्या ए.एस. शेख यांनी पोलीस कस्टडी रिमांड दिली सरकार पक्षातर्फे सरकारी अभियोक्ता स्वाती निकम यांनी काम पाहीले.
