जळगाव शहरातील घटना
जळगाव (प्रतिनिधी) : शहरातील एमआयडीसी परिसरामधून एच.पी. मोटारसह इतर ३५ हजार रुपयांचा मुद्देमाल लंपास करणाऱ्या चोरट्याला पकडण्यात पोलिसांना यश आले आहे. याप्रकरणी एमआयडीसी पोलीस स्टेशनला गुन्हा दाखल आहे.
एम. आय. डी. सी. जळगाव भागात सेक्टर एस ११५ मध्ये १६ जून रोजी प्रांजल इंड्रस्ट्रीज प्लास्टीक दाना प्लांट येथुन मोकळया जागेतुन एकुण ३६ हजार ५०० रु किंमतीचे १५ एच. पी. ची मोटार,दान कटर, कटर मोटार असा मुद्देमाल कोणीतरी अज्ञात चोरट्याने चोरुन नेला होता. सदर बाबतीत प्रमोद बाळुभाऊ मराठे, (वय ३२, रा. अयोध्या नगर, जळगाव) यांनी दिलेल्या फिर्यादीवरुन दि. २० जून रोजी अज्ञात चोरट्याविरुध्द गुन्हा दाखल करण्यात आला होता.
सदर गुन्हयाचे तपासात पोलीस निरीक्षक जयपाल हिरे यांना गुप्त बातमी मिळाली कि, सदरची चोरी ही ब्रिजेश सतिराम प्रजापती, रा. रायपुर ता. जि. जळगाव याने केलेली आहे. त्यानुसार संशयित आरोपी ब्रिजेश सतिराम प्रजापती, (वय ३४ वर्ष, रा. मनोज किराणा जवळ, रायपुर, कुसुंबा ता. जि. जळगाव मु.रा. माधवपट्टी, जोनपुर, उत्तरप्रदेश) यास लागलीच ताब्यात घेण्यात आले. त्यास दि. १९ जून रोजी अटक केलेली आहे.
त्याचे ताब्यातुन गुन्हयातील गेल्या मालापैकी बी.सी.एच. इलेक्ट्रीक लिमी. कंपनीची वॉशग मशीनची १५ एच. पी. मोटार, प्लास्टीक दाना कटर, एक छोटे कटर मोटार असा एकुण ३६ हजार ५०० किंमतीचा मुद्देमाल हस्तगत करण्यात आला आहे. संशयित आरोपीला न्यायालयात हजर केले असता न्यायालयाने त्याला २१ रोजी पावेतो पोलीस कस्टडी रिमांड दिली आहे.
सदरची कारवाई ही पो.हे.कॉ. अल्ताफ पठाण, राजेंद्र कांडेलकर, पो.ना. सचिन पाटील, पो.कॉ. राहुल रगडे, विशाल कोळी, रविंद्र पाटील, किशोर पाटील यांनी केली आहे.
