जामनेर तालुक्यातील घटना
पहूर (वार्ताहर) :- जामनेर तालुक्यातील एका गावात ४ युवकांनी १९ वर्षीय तरुणीला धमकी दिली. तिचा फोटो एडिट करून समाज माध्यमांवर व्हायरल केला. या प्रकरणी पहूर पोलीस स्टेशनला ४ जणांविरोधात गुन्हा दाखल करण्यात आला आहे.
तालुक्यातील एका गावातील तरुणीचा फोटो संशयित आरोपी यश रवींद्र शेळके (२१) नितीन सुनील पाटील (२६), सचिन सुनील सोनवणे (२५) व तनुज पाटील (२२) यांनी धमकी देऊन मिळवला. फोटोत छेडछाड करून तो अश्लील बनवून व्हायरल केला. या प्रकरणी पहूर पोलिस ठाण्यात गुन्हा दाखल करण्यात आला. पोलिसांनी या तरुणांची चौकशी सुरू केली आहे. पुढील तपास पोलिस उपनिरीक्षक भारत दाते करीत आहेत.
