जळगाव ( प्रतिनिधी ) – चिंचोली शिवारातून शेतकऱ्याची ३० हजार रूपये किंमतीची बैलजोडी अज्ञात चोरट्यांनी चोरून नेली एमआयडीसी पोलीस ठाण्यात गुन्हा दाखल करण्यात आला आहे.
समाधान संतोष जगताप (वय-५५, रा. उमाळा ता.जि.जळगाव ) हे शेतकरी आहे. चिंचोली शिवारातील गावाजवळील बसस्थानकाजवळ त्यांचे शेत आहे शेती करून कुटुंबिंयांचा उदरनिर्वाह करतात. ९ जानेवारीरोजी रात्री त्यांच्या मालकीचे दोन बैल त्यांनी त्यांच्या शेतात बांधले होते. मध्यरात्री अज्ञात चोरट्यांनी बैलजोडी चोरून नेल्याचे १० जानेवारीरोजी सकाळी उघडकीला आले . परिसरात बैलांचा शोध घेतला परंतू बैलजोडी कुठेच आढळून आली नाही. समाधान जगताप यांनी पोलीसात तक्रार दिली आहे. त्यांच्या तक्रारीवरून एमआयडीसी पोलीस ठाण्यात गुन्हा दाखल करण्यात आला पुढील तपास पोहेकॉ गफुर तडवी करीत आहेत.
