जामनेर तालुक्यातील वाडीकिल्ला गावातील घटना
जळगाव (प्रतिनिधी) : जामनेर तालुक्यातील वाडीकिल्ला येथे एका कार्यक्रमादरम्यान रस्ता ओलांडताना अवजड वाहनाने चिमुरडीला जबर धडक देऊन गंभीर जखमी केले होते. तिचा उपचार सुरु असताना १० दिवसांनी उपचारादरम्यान मृत्यू झाला आहे. याप्रकरणी शनिपेठ पोलीस स्टेशनला प्राथमिक नोंद करण्यात आली आहे.
पूर्वी अरुण सुरवाडे (वय ९, वाडीकिल्ला ता. जामनेर) असे मयत बालिकेचे नाव आहे. तिच्या पश्चात आई, वडील, भाऊ असा परिवार आहे. पूर्वीचे वडील अरुण हे मजुरीकाम करून परिवाराचा उदरनिर्वाह करीत आहे.(केसीएन)दरम्यान, गावात मंगळवारी दि. २२ रोजी एका कार्यक्रमात सहभागी असताना पूर्वी हि रस्ता ओलांडून पलीकडे जाण्याचा प्रयत्न करीत होती. त्यावेळी अवजड वाहनाने पूर्वीला जबर धडक दिली. यात पूर्वी गंभीर जखमी झाली.
तिला उपचारासाठी शासकीय वैद्यकीय महाविद्यालयात उपचारासाठी दाखल करण्यात आले होते.उपचार सुरु असताना गुरुवारी दि. १ मे रोजी दुपारी १२ वाजेच्या सुमारास तिची प्राणज्योत मालविली.(केसीएन)यावेळी कुटुंबीयांनी मन हेलावणारा आक्रोश केला. सदर घटनेची शनिपेठ पोलीस स्टेशनला प्राथमिक नोंद करण्यात आली आहे. घटनेमुळे वाडीकिल्ला गावात शोककळा पसरली आहे.
०००००००००००००००००
