मुक्ताईनगर तालुक्यातील चारठाणा येथील घटना
जळगाव (प्रतिनिधी) : मुक्ताईनगर तालुक्यातील चारठाणा येथे शेतात शेतकऱ्यांचे विषारी औषध घेऊन आत्महत्या करण्याचा प्रयत्न केला होता. त्यांचा उपचारादरम्यान दि. २० मार्च रोजी मृत्यू झाला आहे. याप्रकरणी जळगाव शहर पोलीस स्टेशनला प्राथमिक अकस्मात मृत्यूची नोंद करण्यात आली आहे.
परमेश्वर मरू बाजरे (वय ४८, चारठाणा ता. मुक्ताईनगर) असे मयत शेतकऱ्याचे नाव आहे. त्यांचे पश्चात पत्नी, १ मुलगा, २ मुली असा परिवार आहे. शेतीकाम करून ते परिवाराचा उदरनिर्वाह करीत होते.(केसीएन)दरम्यान, दि. १६ मार्च रोजी सकाळी शेतात परमेश्वर बाजरे यांनी विषारी औषध घेऊन आत्महत्या करण्याचा प्रयत्न केला होता. त्यांना कुटुंबीयांनी शासकीय वैद्यकीय महाविद्यालय व रुग्णालयात उपचारासाठी दुपारी साडेबारा वाजण्याच्या सुमारास दाखल करण्यात आले होते.
उपचार सुरु असताना परमेश्वर बाजरे यांचा दि. २० मार्च रोजी सकाळी १२ वाजेच्या सुमारास मृत्यू झाला. यावेळी कुटुंबीयांनी मन हेलावणारा आक्रोश केला. दरम्यान, शेतकऱ्याच्या मृत्यूमुळे चारठाणा गावात शोककळा पसरली आहे. याप्रकरणी जळगाव शहर पोलीस स्टेशनला प्राथमिक अकस्मात मृत्यूची नोंद करण्यात आली आहे.
