यावल;-हतनुर पाटबांधारे विभागाच्या पाटात पोहण्यासाठी गेलेल्या सुदर्शन चित्रमंदिराच्या परिसरातील दोन मुलांपैकी दीपक जगदीश शिंपी या मुलाचा मृतदेह आढळून आला असून यानंतर गणेश बापू दुसाने याचा शोध घेतला असता त्याचाही मृतदेह आढळल्याची माहिती सूत्रांनी दिली.
दिपक जगदीश शिंपी (वय १२ वर्षे) व गणेश बापु दुसाने (वय१४ वर्ष ) ही मुले काल आपल्या मित्रांसह यावल-भुसावळ मार्गावरील असलेल्या हतनुर पाटबांधारे विभागाच्या पाटात पोहण्यासाठी गेले होते. या पाटचारीत पुर्ण क्षमतेने पाणी शेत पिकांसाठी सोडण्यात आले आहे. येथेच हे दोन्ही आपल्या दोन मित्रांसह पोहण्यासाठी गेले होते.
त्यातील एक मुलगा हा पाण्यात पोहण्यासाठी उतरला असता तो वाहुन जात असल्याचे पाहुन त्यास वाचविण्यासाठी गणेश बापु दुसाने याने एकास काठीच्या सहाय्याने वाचविले. मात्र तो वाहून गेला. त्याच्या सोबत गणेश बापू दुसाने हा देखील वाहून गेला. त्यांच्या मित्रांनी घटनास्थळी मदतीसाठी आरडाओरड केली पण त्यांना मदत मिळु शकली नाही. काल दुपारपासून या दोन्ही मुलांचा शोध घेतला जात होता.
दरम्यान, आज सकाळी यातील दीपक जगदीश शिंपी या मुलाचा मृतदेह आढळून आला असून गणेश बापु दुसाने (वय१४ वर्ष याचा मृतदेह आढळून आल्याच्या माहितीला सूत्रांनी दुजोरा दिला. या घटनेमुळे सुदर्शन चित्रमंदिर परिसरावर शोककळा पसरली आहे.
