भुसावळ ( प्रतिनिधी ) – डीवायएसपी सोमनाथ वाघचौरे यांच्या मार्गदर्शनाखाली शहरात कोंबींग ऑपरेशन राबविण्यात आले. संशयास्पद फिरणार्यांना अटक करताना एकाच्या घरातून तलवार जप्त करण्यात आली.
भुसावळ शहरासह परिसरातील वाढती गुन्हेगारी पाहता डीवायएसपी सोमनाथ वाघचौरे यांच्या मार्गदर्शनाखाली रात्री झडती घेण्यात आली. भुसावळ शहरचे पो नि प्रताप इंगळे, पोनि पडघन, एपीआय गणेश धुमाळ, पो नि विलास शेंडे, एपीआय अमोल पवार, नशिराबादचे एपीआय मोरे यांच्यासह त्यांच्या सहकार्यांनी भाग घेतला.
हुडको कॉलनी, मुस्लिम कॉलनी, जाममोहल्ला, साकेगाव, दीनदयाल नगर, पांडुरंग टॉकीज परिसर आदी भागांमध्ये कारवाई करण्यात आली. बसस्थानक परिसरातून चोरीच्या उद्देश्याने लपलेल्या हसनअली नियाज अली (रा. इराणी मोहल्ला, भुसावळ) याला ताब्यात घषण्यात आले. मुस्लिम कॉलनीत शेख अब्दुल कलीम याच्या घरातून तलवार जप्त करण्यात आली. अमान शेख साजीद व रोहित करण बारेला या दोघांनाही ताब्यात घेण्यात आले. ९ अजामीनपात्र, ११ जामीनपात्र वॉरंट आणि ६७ समन्स देखील बजावण्यात आले. २७ आरोपींचा शोध घेण्यात आला. ११ तडीपार गुन्हेगारांच्या घराची तपासणी करण्यात आली. विना क्रमांकाची २१ वाहने पकडून कारवाई झाली. ७ वाहने जप्त करण्यात आली.
