भुसावळ तालुक्यातील बोहर्डी येथील घटना
भुसावळ (प्रतिनिधी) :- तालुक्यातील बोहर्डी गावाजवळ राष्ट्रीय महामार्गावर पायी चालणाऱ्या तरुणाला अज्ञात वाहनाने धडक दिल्याने त्याचा मृत्यू झाल्याची धक्कादायक घटना घडली आहे. हि घटना शनिवारी घडली असून वरणगाव पोलीस स्टेशनला गुन्हा दाखल करण्यात आला आहे.
विशाल सुरेश पाटील (वय २७, काहुरखेडा ता. भुसावळ) असे मयत तरुणाचे नाव आहे. विशाल शनिवारी हॉटेल निर्मल साई समोर राष्ट्रीय महामार्गाने पायी चालत होता. (केसीएन)त्यावेळी मागून येणाऱ्या वाहनाने त्याला जोरदार धडक देऊन घटना स्थळावर न थांबता वाहन घेऊन सुसाट निघुन गेला. रक्ताच्या थारोळ्यात पडलेल्या तरुणाला नागरिकांनी उपचारासाठी वरणगाव ग्रामिण रुग्णालयात दाखल केले.
रुग्णालयात डॉक्टरानी त्याला तपासणी अंती मृत घोषित केले. या बाबत चंद्रकांत शांताराम पाटील याच्या फिर्यादीवरून वरणगाव पोलीस स्टेशनला अज्ञात वाहन चालकाविरोधात गुन्हा दाखल करण्यात आला असून घटनेचा पुढील तपास उप पोलीस निरिक्षक रामदास गांगुर्डे हे करीत आहे.
