‘केसरीराज’ची बातमी ठरली खरी
जळगाव (विशेष प्रतिनिधी) :- भारतीय राष्ट्रीय काँग्रेस पक्षातर्फे आज दि. २६ ऑक्टोबर रोजी कॉँग्रेस पक्षाने विधानसभेसाठी आपली दुसरी यादी जाहीर केली आहे. ‘केसरीराज’ ने वर्तविलेल्या अंदाजानुसार जळगाव जिल्ह्यातील भुसावळ विधानसभा मतदारसंघातून राजेश मानवतकर यांना उमेदवारी जाहीर करण्यात आली आहे.
या यादीत एकूण २३ उमेदवारांची नावे घोषित करण्यात आली आहेत. कॉँग्रेसने कालच आपली पहिली यादी जाहीर केली होती, ज्यामध्ये ४८ उमेदवारांचा समावेश होता. जळगाव जिल्ह्यात यापूर्वी यावल रावेर मतदारसंघात ऍडव्होकेट धनंजय शिरीष चौधरी यांना उमेदवारी जाहीर झाली होती तर आता दुसऱ्या यादीत डॉ. राजेश मानवतकर यांना उमेदवारी जाहीर झाली आहे. काँग्रेस पक्षातर्फे जिल्ह्यात उच्चशिक्षित उमेदवार दिल्यामुळे आता जनता कोणाला निवडून देते याकडे लक्ष लागून आहे.
