जळगाव जिल्ह्यात खरेदी दि.३० जूनपर्यंत सुरु
जळगाव (प्रतिनिधी) : किमान आधारभूत किमत खरेदी योजनेअंतर्गत रब्बी पणन हंगाम २०२४-२५ मध्ये ज्वारी, मका व बाजरी (भरडधान्य) खरेदी करीता जळगांव जिल्ह्यात पणन महासंघामार्फत अमळनेर, पारोळा, चोपडा, धरणगांव, एरंडोल, पाळधी, म्हसावद, जळगांव, भुसावळ, यावल, रावेर, मुक्ताईनगर, बोदवड, जामनेर, शेंदुणी, पाचोरा, भडगांव व चाळीसगांव असे एकूण १८ खरेदी केंद्र कार्यरत आहे.
पिकाचा प्रकार : ज्वारी – ३३७१, मका – २२५५, बाजरी – २६२५/- असा दर सुरु आहे. ऑनलाईन शेतकरी नोंदणीला मुदतवाढ दि.३१ मे २०२५ पर्यंत देण्यात आली आहे. जिल्ह्यात झालेली एकूण ऑनलाईन नोंदणी ६ हजार ३१८ आहे. खरेदी दि.३० जून, २०२५ पर्यंत राहणार आहे. तरी शेतकरी बंधुंनी ज्वारी, मका व बाजरी नोंदणी / खरेदीचा लाभ घ्यावा. ऑनलाईन नोंदणी करीता, आधारकार्ड, बँक पासबूक व ऑनलाईन पीकपेरा नोंद असलेला ७/१२ उतारा, ८ अ इ. कागदपत्रे घेवून वरील खरेदी केंद्रांवर चना, ज्वारी, मका व बाजरी नोंदणी करावी, असे आवाहन मंत्री गिरीष महाजन, पालकमंत्री गुलावराव पाटील, विभागीय संचालक तथा मंत्री संजय सावकारे, रोहित निकम, प्र. जिल्हा पणन अधिकारी एस. एस. मेने यांचेमार्फत आवाहन करण्यात येत आहे.
