धावत्या रेल्वेतून पडून तरुणाचा मृत्यू

जळगाव ( प्रतिनिधी ) – बिहार येथे घरी जात असताना तोल जाऊन रेल्वेतून खाली पडल्याने सुरजकुमार रामचंद्र पंडित (२६, रा. मुजफ्फरपूर, बिहार) याचा मृत्यू झाला. नशिराबाद पोलीस स्टेशनला अकस्मात मृत्यूची नोंद करण्यात आली आहे.

ही घटना १ जून रोजी भादली जवळ घडली. सुरजकुमार पंडित हा रेल्वेने मुजफ्फरपूर येते घरी जात होता. त्यावेळी भादली गावाजवळ त्याचा तोल जाऊन तो खाली पडला. त्याला शासकीय वैद्यकीय महाविद्यालय व रुग्णालयात दाखल केले असता डॉक्टरांनी मयत घोषित केले. याप्रकरणी नशिराबाद पोलिस ठाण्यात अकस्मात मृत्यूची नोंद करण्यात आली आहे. घटनेची पुढील माहिती पोलिस घेत आहेत.