शिरसोली ;- येथील बारी समाज माध्यमिक व उच्च .माध्यमिक विद्यालयात शिक्षक पालक संघाची सभा आयोजित करण्यात आली ,सदरच्या सभेला मोठ्या संख्येने पालक उपस्थित होते.
या सभेत सन. 2024 -25 या शैक्षणिक वर्षाची शिक्षक पालक संघाच्या कार्यकारणीची निवड करण्यात आली. सदर प्रसंगी विद्यालयाचे मुख्याध्यापक आर. एस आंबटकर यांनी मागील प्रोसिडिंग वाचून कायम केले. व मागील सर्व विषयांना सर्वानुमते मंजुरी मिळाली. सी. एस कुमावत यांनी वार्षिक अहवाल वाचन केले. नंतर सन 2024-25 या शैक्षणिक वर्षाची कार्यकारणीची एकमताने निवड करण्यात आली असून उपाध्यक्ष म्हणून विजय अस्वार यांची निवड करण्यात आली प्रसंगी संस्थेचे अध्यक्ष अशोक बारी, उपाध्यक्ष दिलीप बारी, सचिव सुरेश अस्वार, संचालक निलेश खलसे ,अर्जुन भाऊ काटोले प्रवीण भाऊ पाटील ,तसेच मागील वर्षाचे उपाध्यक्ष भिकन खाटीक मंचावर उपस्थित होते.
मान्यवरांच्या हस्ते सरस्वती पूजन करून सभेला सुरुवात झाली. सदर सभेसाठी सांस्कृतिक प्रमुख .डी .जी. कुलकर्णी यांनी सभेचे प्रास्ताविक केले , जी .बी . काळे यांनी सूत्रसंचालन केले आर. के. पाटील ,सी.एस .कुमावत , एस .ए .भदाणे यांनी परिश्रम घेतले. त्याचप्रमाणे संस्थेचे सचिव सुरेश अस्वार व उपाध्यक्ष दिलीप बारी यांनी पालकांना मार्गदर्शन केले डि .के .पाटील यांनी आभार व्यक्त केले प्रसंगी विद्यालयातील सर्व शिक्षक व शिक्षकेतर कर्मचारी उपस्थित होते.
