जळगाव ;- शिरसोली येथील बारी समाज माध्यमिक व उच्च माध्यमिक विद्यालयात माता पालक संघाची सभा आयोजित करण्यात आली. या सभेत माता पालक संघाच्या कार्यकारिणीची निवड करण्यात आली. सदर सभेच्या अध्यक्षस्थानी डॉ. सोपान पाटील हे होते. मंचावर उपस्थित मान्यवरांच्या हस्ते माता सरस्वतीच्या प्रतिमेचे पूजन करून सभेला सुरुवात झाली.
सन 2024-25 या शैक्षणिक वर्षासाठी माता पालक संघाच्या कार्यकारणीची स्थापना करण्यात आली. उपस्थित मातांना सभेचे अध्यक्ष डॉक्टर सोपान पाटील यांनी आपल्या पाल्याच्या आरोग्य विषयी सखोल मार्गदर्शन केले .
सभेस विद्यालयाचे मुख्याध्यापक .राजेंद्र आंबटकर, पर्वेक्षिका सुरेखा दुबे, ज्येष्ठ शिक्षिका आशा कोळी यांनी मातांना मार्गदर्शन केले. विद्यालयातील शिक्षिका मनीषा बारी, देवका पाटील, आकांक्षा निकम. यांनी विद्यार्थिनींच्या विविध समस्या व शिस्ती संदर्भात मातांना मार्गदर्शन केले. सदरची सभा खेळीमेळीच्या वातावरणात पार पडली.
