बारी समाज माध्यमिक विद्यालयात स्वातंत्र्यदिन साजरा

शिरसोली (वार्ताहर) :- येथील बारी समाज माध्यमिक व उच्च माध्यमिक विद्यालयात दि. १५ ऑगस्ट रोजी स्वातंत्र्यदिन मोठ्या उत्साहात साजरा करण्यात आला. संस्थेचे अध्यक्ष अर्जुन बारकू काटोले यांच्या हस्ते ध्वजारोहण करण्यात आले.

याप्रसंगी संस्थेचे सचिव सुरेश पुंडलिक अस्वार, संचालक निलेश खलसे,प्रवीण पाटील,मनोज बारी,अशोक अस्वार, रामकृष्ण धनगर, भास्कर पितांबर खलसे, शशिकांत वाणी, संजय राजाराम ताडे, अशोक गोकुळ बारी, राजेंद्र दगडू आंबटकर, पुंडलिक बाबुराव खलसे, नंदकिशोर लावणे, यादव रुपला बारी, उमाकांत बारी, मुख्याध्यापक राजेंद्र आंबटकर, पर्यवेक्षक आर के पाटील, खाजगी प्राथमिक शाळेचे मुख्याध्यापक गोपाल पुंडलिक बारी उपस्थित होते. स्वातंत्र्य दिनाच्या निमित्ताने शाळेत विविध सांस्कृतिक कार्यक्रमाचे आयोजन करण्यात आले होते. यामध्ये शाळेतील विद्यार्थिनींच्या लेझीम पथकाने चित्तथरारक मनोरे व संचलन सादर केले तसेच भाषणे व खाजगी प्राथमिक शाळेतील बालगोपालांनी विविध वेशभूषा करून कार्यक्रमात रंगत भरली.