शिरसोली (वार्ताहर) :- येथील बारी समाज माध्यमिक व उच्च माध्यमिक विद्यालयात श्री चक्रधर स्वामी यांची जयंती साजरी करण्यात आली. कार्यक्रमाचे अध्यक्षस्थानी विद्यालयाचे मुख्याध्यापक राजेंद्र आंबटकर हे होते.
तर प्रमुख अतिथी म्हणून पर्यवेक्षक रामकृष्ण पाटील, ज्येष्ठ शिक्षक सुनील भदाणे, सांस्कृतिक प्रमुख चंद्रकांत कुमावत, क्रीडा शिक्षक संजय काटोले हे उपस्थित होते. मंचावर उपस्थित मान्यवरांच्या हस्ते प्रतिमेचे पूजन करण्यात आले. कार्यक्रमाचे प्रास्ताविक सांस्कृतिक प्रमुख चंद्रकांत कुमावत यांनी केले. ज्येष्ठ शिक्षक सुनील भदाणे यांनी मनोगत व्यक्त केले. मुख्याध्यापक राजेंद्र आंबटकर यांनी अध्यक्षीय भाषण केले. आभार संजय काटोले यांनी मानले.
