जळगाव शहरातील एसपी ऑफिससमोरची घटना
जळगाव (प्रतिनिधी) : शहरातील पोलीस मुख्यालय समोरील महाराष्ट्र बँकेतून एका वृध्द महिलेच्या पिशवीतून २० हजार ४०० रूपयांची रोकड पिशवीतून काढून चोरून नेल्याची घटना गुरूवारी १९ सप्टेंबर रोजी दुपारी १ वाजता समोर आली आहे.याप्रकरणी दुपारी २ वाजता जिल्हापेठ पोलीस ठाण्यात दोन अनोळखी व्यक्तीविरोधात गुन्हा दाखल करण्यात आला आहे.
शहरातील पोलीस मुख्यालयाच्या समोर आलेल्या महाराष्ट्र बँकेत गुरूवारी १९ सप्टेंबर रोजी दुपारी १ वाजेच्या सुमारास मिराबाई भाऊराव चौधरी (वय ७४ रा. सप्तश्रृंगी नगर, जळगाव) या वृध्द महिला कामाच्या निमित्ताने आलेल्या होत्या. त्यावेळी त्यांच्याजवळील पिशवीतील २० हजार ४०० रूपयांची रोकड चैन उघडून चोरून नेल्याची घटना घडली. पैसे चोरीला गेल्याचे लक्षात आल्यानंतर त्यांनी दुपारी २ वाजता जिल्हापेठ पोलीस ठाण्यात धाव घेवून त्यांनी तक्रार दिली. त्यानुसार दोन अनोळखी व्यक्तीविरोधात जिल्हापेठ पोलीस ठाण्यात गुन्हा दाखल करण्यात आला आहे. पुढील तपास पोलीस नाईक संतोष सोनवणे हे करीत आहे.
