राज्य शासनाच्या नगर विकास विभागाचे आदेश
जळगाव (प्रतिनिधी) : येथील जळगाव शहर महानगरपालिकेच्या आयुक्त विद्या गायकवाड यांच्या बदलीचे आदेश राज्यशास्त्राच्या नगर विकास विभागाने मंगळवारी दिनांक 19 मार्च रोजी काढले आहेत त्यांना त्यांच्या पदाचा कार्यभार हा अतिरिक्त आयुक्तांकडे देण्याबाबत आदेशित करण्यात आले आहेत
राज्य शासनाच्या आदेश पत्रात म्हटले आहे की, लोकसभा सार्वत्रिक निवडणूक २०२४ या अनुषंगाने भारत निवडणूक आयोगाने महानगरपालिकांमध्ये आयुक्त, अतिरिक्त आयुक्त व उपायुक्त या पदावरील अधिकाऱ्यांच्या बदल्यांविषयी मार्गदर्शक सूचना निर्गमित केल्या असून त्यानुसार महानगरपालिकेतील आयुक्त या पदावर कार्यरत अधिकाऱ्यांच्या सक्षम प्राधिक र्‍यांच्या मान्यतेने बदली करण्यात आले आहेत.
त्यांच्या पदस्थापनेचे आदेश स्वतंत्रपणे काढण्यात येणार आहेत. यामध्ये पनवेल महानगरपालिका आयुक्त गणेश देशमुख व जळगाव महानगरपालिका आयुक्त विद्या गायकवाड यांचा समावेश आहे. त्यांना त्यांच्या पदाचा कार्यभार हा अतिरिक्त आयुक्त यांच्याकडे सोपवण्याबाबत आदेशित करण्यात आले आहे. आदेश पत्रावर शासनाच्या उपसचिव प्रियांका कुलकर्णी छापवाले यांची स्वाक्षरी आहे.
