अमळनेर( प्रतिनिधी) एका १६ वार्षीय मूकबधिर मुलीवर दोन नराधमांनी गेल्या सात महिन्यांपासून अत्याचार केला असून ती गर्भवती झाल्याची धक्कादायक घटना उघडकीस आली असून पोलिसांनी दोन आरोपींपैकी एकाच्या मुसक्या वाळल्या असून त्याचा दुसरा साथीदार आरोपी फरार असून पोलीस त्याचा शोध घेत आहे.
सूत्रांनी दिलेली माहिती अशी कि , अमळनेर तालुक्यात राहणारी मुकबधिर १६ वर्षीय अल्पवयीन मुलगी ही आपल्या कुटुंबियांसह वास्तव्याला आहे. अल्पवयीन मुलगी ही मुकबधिर असल्याचा गैरफायदा घेत गावातील दिपक नाना भिल आणि लखन उर्फ अंकुश बुध भिल यांच्यासह इतर काही मुलांनी तिला गेल्या सात महिन्यांपासून शेतात घेवून जावून तिच्यावर आळीपाळीने अत्याचार केला. या अत्याचारातून अल्पवयीन मुलगी गर्भवती झाली. हा प्रकार अल्पवयीन मुलीच्या कुटुंबियांना समजल्यावर हा धक्कादायक प्रकार समोर आला आहे. याप्रकरणी पीडीत मुलीच्या वडीलांनी अमळनेर पोलीस ठाण्यात तक्रार दिली. यातील संशयित आरोपी लखन उर्फ अंकुश बुध भिल याला अटक केली आहे.त्यांच्या तक्रारीवरून रविवारी ३० जानेवारी रोजी रात्री अमळनेर पोलीस ठाण्यात संशयित आरोपी दिपक नाना भिल आणि लखन उर्फ अंकुश बुध भिल यांच्यासह इतर गल्लीतील मुलांवर गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक नरसिंग वाघ करीत आहे.
