जळगाव (प्रतिनिधी) – शहरातील खंडेरावनगर येथील ३५ वर्षीय तरुणांने धावत्या रेल्वेखाली झोकून आत्महत्या केली. काल सोमवारी रात्री ९ वाजता ही घटना घडली.
सुरेश नामदेव महाले (वय ३५, रा. खंडेरावनगर) असे मृत तरुणाचे नाव आहे. महाले मुळचे सोयगाव (जि. औरंगाबाद) येथील रहिवासी आहेत. काल रात्री जळगाव-शिरसोली दरम्यान खांबा क्रमांक ४१६/२५ ते २७ च्या दरम्यान डाऊन रेल्वेरुळावर त्यांचा मृतदेह आढळुन आला. या संदर्भात उपस्टेशन प्रबंधक अमरचंद मुलचंद अग्रवाल यांनी दिलेल्या खबरीवरुन रामानंदनगर पोलिस ठाण्यात अकस्मात मृत्यूची नोंद करण्यात आली आहे. लालसिंग बारेला तपास करीत आहेत. रात्री उशिरापर्यंत परिसरातील नागरीकांनी मृतदेहाची ओळख पटवली. त्यांच्या पश्चात पत्नी ललिताबाई व शितल, पुजा, सुप्रिया ह्या तीन मुली असा परिवार आहे. महाले हे सेट्रींग काम करुन उदरनिर्वाह करीत होते.
