जळगाव (प्रतिनिधी ) – शहरातील सुप्रीम कॉलनी परिसरात राहणाऱ्या अंदाजे ७० वर्षीय वृद्धाने राहत्या घरात गळफास घेऊन आत्महत्या केल्याची घटना आज दुपारी उघडकीस आली असून यामुळे परिसरात खळबळ उडाली आहे . घटनास्थळी एमआयडीसी पोलिसांनी पाहणी करून मृतदेह जिल्हा वैद्यकीय महाविद्यालयात पाठविण्यात आला आहे. हुसेन गयास पटेल वय ७० वर्ष अंदाजे. रा. उस्मानिया मज्जीद जवळ सुप्रीम कॉलनी जळगाव यांनी त्यांच्या राहत्या घरात गळफास घेतला. याबाबत पोलीस स्टेशनला अकस्मात मृत्यूची नोंद करण्याचे काम सुरु होते. दरम्यान हुसेन पटेल यांनी आत्महत्या का केली याचे कारण समजू शकले नाही.
