जळगाव शहरातील जिजाऊ नगर येथील घटना
जळगाव (प्रतिनिधी) :- येथील जिजाऊ नगर येथील प्रौढाने राहत्या घरी नैराश्यातून गळफास घेऊन आत्महत्या केल्याची धक्कादायक घटना सोमवारी दि. २८ रोजी दुपारी १२ वाजेच्या सुमारास उघड झाली आहे. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
राजेंद्र वसंत खैरनार (वय ५०, मूळ रा. असोदा, हल्ली मु. जिजाऊ नगर, जळगाव) असे मयत इसमाचे नाव आहे. त्यांच्या पश्चात पत्नी, २ मुले असा परिवार आहे. हातमजुरी करून ते परिवाराचा उदरनिर्वाह करीत होते.(केसीएन)राजेंद्र खैरनार हे जिजाऊ नगर येथे भाड्याच्या खोलीत राहत होते. सोमवारी दि. २८ रोजी सकाळी मुले कामावर निघून गेल्यावर काही वेळाने राजेंद्र खैरनार यांची पत्नी ह्या रेशन घेण्यासाठी दुकानावर गेल्या होत्या. त्यावेळी घरात एकटेच असलेल्या राजेंद्र खैरनार यांनी छताला गळफास घेऊन आत्महत्या केली.
पत्नी घरी आली तेव्हा हि घटना उघडकीस आली. कुटुंबियांसह आजूबाजूच्या नागरिकांनी शासकीय वैद्यकीय महाविद्यालय व रुग्णालयात उपचारासाठी दाखल केले असता तेथे वैद्यकीय अधिकाऱ्यांनी तपासणीअंती मयत घोषित केले.(केसीएन)यावेळी कुटुंबीयांनी एकच आक्रोश केला. घटनेमुळे असोदा गावावर शोककळा पसरली आहे. तर जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
