जळगावातील रेमंड चौकातील घटना
जळगाव (प्रतिनिधी) : रुग्णालयात दाखल असलेल्या सासऱ्यांना पाहण्यासाठी जात असलेल्या दुचाकीवरील दाम्पत्याला ट्रकने धडक दिल्यामुळे गंभीर जखमी झाले. हा अपघात दिनांक ११ ऑक्टोबर रोजी रेमण्ड चौकात झाला. या प्रकरणी ट्रकचालकाविरुद्ध एमआयडीसी पोलिस ठाण्यात गुन्हा दाखल करण्यात आला आहे.
विकास सरिचंद पवार (४४, रा. सुप्रिम कॉलनी) हे पत्नी चंद्रकला पवार यांच्यासह दुचाकीने सासऱ्यांना पाहण्यासाठी रुग्णालयात जात होते. त्यावेळी मागून येणाऱ्या ट्रकने (क्र. एमएच २०, जीसी ८३१२) त्यांच्या दुचाकीला धडक दिली. यात पवार दाम्पत्य बाजूला फेकले जावून जखमी झाले. तसेच त्यांच्या दुचाकीचेही नुकसान झाले. या प्रकरणी पवार यांनी एमआडीसी पोलिस ठाण्यात फिर्याद दिली.
दाम्पत्यावर शासकीय वैद्यकीय महाविद्यालय व रुग्णालयात उपचार करण्यात आले. त्यावरून ट्रकचालक अमोल सुरेश कोळी (रा. मोंढाळे प्र.अ., ता. पारोळा) याच्याविरूध्द गुन्हा दाखल करण्यात आला आहे. पुढील तपास पोहेकॉ पंकज पाटील करीत आहेत.
