भुसावळ (प्रतिनिधी) : शहरात राष्ट्रीय महामार्गावर दुचाकी व कार यांच्यात अपघात होऊन दुचाकीस्वार ठार झाला. हा अपघात शुक्रवारी ता. २९ सकाळी पावणेबाराच्या सुमारास घडला. अपघाताची भुसावळ पोलीस स्टेशनला नोंद करण्यात आली.
शहरात राष्ट्रीय महामार्ग क्रमांक ५३ येथील लाल जैन मंदिरासमोर शुक्रवारी ता. २९ सकाळी पावणेबाराच्या सुमारास महामार्गाने जात असताना फारुख खान युसूफ खान (वय २७, रा. फातेमानगर्, मलकापूर) याने रस्त्याच्या परिस्थितीकडे दुर्लक्ष करीत विरुद्ध दिशेने रस्ता ओलांडून भुसावळकडून वरणगावकडेस जाणाऱ्या मारोती कारला धडक दिली. या अपघातात फारुख खान युसूफ खान हा ठार झाला. तर मागे बसलेल्या दुचाकीस्वार गंभीर जखमी झाला. दोन्ही वाहनांचे नुकसानीस झाले आहे. या प्रकरणी कारचा चालक श्रीकृष्ण छगन पारधी (वय २४) (एनगाव) यांनी दिलेल्या फिर्यादीवरून बाजारपेठ पोलिस ठाण्यात गुन्हा दाखल करण्यात आला आहे.
या अपघातात राजू प्रताप सोळंके (मलकापूर) (वय २७) हा जखमी झाला असून, गोदावरी संस्थेच्या रुग्णालयात उपचार घेत आहे. अपघातात दोघे वाहनांचे नुकसान झाले आहे. पोलिस कर्मचारी रवींद्र सपकाळे तपास करीत आहे.
