जळगाव ( प्रतिनिधी) – जामनेर तालुक्यातील शेंदुर्णी – गोदेगाव दरम्यान दुचाकींची समोरासमोर धडक होऊन या अपघातात दोन जण ठार तर एक जण जखमी झाल्याची घटना रविवारी सायंकाळी साडेसहा वाजेच्या सुमारास घडली होती . यात दीपक रामदास गायकवाड वय २५ रा.डकला. ता.सिल्लोड जि. औरंगाबाद व दिनेश मदन जाधव वय २३ रा गोंदेगाव तांडा ता.सोयगाव या दोघांचा मृत्यू झाला होता. . तर या अपघातात जखमी कृष्णा उत्तम सोनवणे रा. डकला.ता.सिल्लोड याचा आज ९ रोजी सकाळी उपचारादरम्यान मृत्यू झाला. त्याच्यावर दुपारी शोकाकुल वातावरणात त्याच्या मूळगावी अंत्यसंस्कार करण्यात आले.
याबाबत वृत्त असे कि , दीपक गायकवाड , कृष्णा सोनवणे (वय २५) हे दोघे एकमेकांचे मामे -आत्या भाऊ असल्याचे समजते. दोघे दुचाकीने रविवारी जामनेर तालुक्यातील जोगलखेडा येथील बहीण राधाबाई हिच्या भेटीसाठी गेले असता तेथून परतत येत असताना शेंदुर्णी गावाजवळ समोरून भरधाव येणाऱ्या दुसऱ्या दुचाकीने धडक दिल्याने या अपघातात दीपक गायकवाड याचा जागीच मृत्यू झाला तर कृष्णा हा जखमी झाला होता. . तर धडक देणाऱ्या दुचाकीवरील दिनेश मदन जाधव या तरुणाचाही जागीच मृत्यू झाला झाला होता . अपघातातील दोन्ही तरुणांना मृतावस्थेत जिल्हा रुग्णालयात दाखल करण्यात आले होते . यातील जखमी कृष्णा यांच्यावर खासगी दवाखान्यात उपचार सुरु असताना आज सकाळी त्याचा उपचारादरम्यान मृत्यू झाल्याची माहिती वैद्यकीय सूत्रांनी दिली. मयत कृष्णा याच्या पश्चात आईवडील एक ३ वर्षाची मुलगी पूनम ,मुलगी , पत्नी पूजा सोनवणे वय २३ या गर्भवती असल्याची माहिती मिळाली.
