जळगाव तालुक्यातील शिरसोली गावातील घटना, विटनेरवर शोककळा
जळगाव (प्रतिनिधी) : तालुक्यातील शिरसोली गावातील आकाशवाणी केंद्रच्या समोरील रस्त्यावर भरधाव कारने जळगावकडे येणाऱ्या दुचाकीला जबर धडक दिली. यात २ तरुण जागीच ठार झाल्याची धक्कादायक घटना गुरुवार दिनांक १० ऑक्टोबर रोजी सायंकाळी ५ वाजेच्या सुमारास घडली आहे. एमआयडीसी पोलीस स्टेशनला गुन्हा दाखल करण्याचे काम सुरू होते.
कांतीलाल उर्फ कान्हा रमेश राठोड (वय २४), आणि रवींद्र किसन चव्हाण (वय ३०, दोन्ही रा. विटनेर तांडा ता. जळगाव) असे मयत दोघांची नावे आहे. कांतीलालच्या पश्चात आई आणि मोठा भाऊ तर रवींद्र चव्हाण यांच्या पश्चात पत्नी, काका, आजोबा आणि काकू असा परिवार आहे.(केसीएन) गुरुवारी १० ऑक्टोबर रोजी सायंकाळी ५ वाजेच्या सुमारास दोघेजण दुचाकी क्रमांक नंबर (एमएच १९ इएल ३११) ने शिरसोलीकडून जळगावकडे येत होते. शिरसोली गावातील आकाशवाणी केंद्रच्या टावर समोरून भरधाव कारने जोरदार धडक दिली.
या धडकेत दोघांचा मृत्यू झाला आहे. तर सोबत असलेल्या दुचाकीचे मोठे नुकसान झाले. (केसीएन)घटना घडल्यानंतर स्थानिक नागरिकांनी धाव घेत खाजगी वाहनातून तातडीने जिल्हा शासकीय वैद्यकीय महाविद्यालयात दाखल करण्यात आले. एमआयडीसी पोलीस ठाण्यात गुन्हा दाखल करण्याचे काम सुरू होते. यावेळी शासकीय वैद्यकीय महाविद्यालयात नातेवाईकांनी एकच आक्रोश केला होता. दरम्यान विटनेर तांडा गावावर शोककळा पसरली आहे.
