रावेर ( प्रतिनिधी ) – उपसभापतिपदाची संधी नाकारल्याचे बोचणारे शल्य आज प स सदस्य योगिता नारखेडे यांनी अक्षरशः रडत खासदार रक्षा खडसे व जि.प. अध्यक्षा रंजना पाटील यांच्या समोर व्यक्त केले.
सर्वांना संधी दिली जाते मग मलाच का डावलले जाते असे त्यांचे म्हणणे होते तालुका वैद्यकीय अधिकारी कार्यालयाच्या उदघाटनाप्रसंगी योगिता नारखेडे यांनी सर्वांसमोर हे शल्य मोकळे केले.
यावेळी जिल्हा परिषद सदस्य तथा सेवा व समर्पण अभियानाचे जिल्हाप्रमुख नंदकिशोर महाजन, उत्तर महाराष्ट्र किसान सभेचे अध्यक्ष सुरेश धनके , युवा मोर्चा जिल्हा अध्यक्ष श्रीकांत महाजन, भाजपा जिल्हा उपाध्यक्ष पद्माकर महाजन, प्रल्हाद पाटील, भाजपा तालुकाध्यक्ष राजन लासुरकर, पंचायत समिती सभापती कविता कोळी, उपसभापती धनश्री सावळे, पंचायत समिती सदस्य योगिता वानखेडे, माधुरी नेमाडे, जुम्मा तडवी, बेटी बचाव बेटी पढावच्या जिल्हाध्यक्षा सारिका चव्हाण, सरचिटणीस महेश चौधरी, माजी उपसभापती सुनिल पाटील, महेश पाटील, हरलाल कोळी, संदीप सावळे शहराध्यक्ष दिलीप पाटील, रजनीकांत बारी आदी उपस्थित होते.
