पाचोरा ( प्रतिनिधी ) – भाजपा तालुकाध्यक्ष अमोल शिंदे यांच्या वाढदिवसानिमित्त भाजपा महिला आघाडी पाचोरा-भडगावतर्फे १४ नोव्हेंबररोजी महिला बचत गटांसाठी मोफत उद्योग मार्गदर्शन मेळावा आयोजित करण्यात आला आहे.त्यासाठी उद्योग मैत्रीण मासिकाच्या संपादिका सारिका भोईटे-पवार यांचे मार्गदर्शन लाभणार आहे.
भाजपा तालुकाध्यक्ष अमोल शिंदे यांच्यातर्फे आयोजित विविध प्रेरणादायी कार्यक्रमाद्वारे समाज प्रबोधन , सामाजिक, अध्यात्मिक, शैक्षणिक, स्पर्धा परीक्षाविषयक अशा कार्यक्रमांचे नेहमीच आयोजन करण्यात येते. यावर्षी वाढदिवसानिमित्त पाचोरा शहर अंतर्गत महिला बचत गटातील महिलांसाठी या उद्योग मार्गदर्शन मेळाव्याचे आयोजन करण्यात आले आहे.
14 नोव्हेंबररोजी दुपारी महालपुरे मंगल कार्यालय, भडगाव रोड, पाचोरा येथे हा मेळावा होणार आहे. पाचोरा शहरातील सर्व महिला बचत गट, विविध
व्यावसायिक, लघुउद्योग, गृह उद्योग करू इच्छिणाऱ्या महिलांनी सारिका भोईटे-पवार यांच्या मार्गदर्शनाचा लाभ घ्यावा ,असे आवाहन भाजपा महिला आघाडी पाचोरा-भडगावच्या वतीने करण्यात आले आहे.
