भाजपाचे अमोल शिंदे यांच्या पत्राची निवडणुक आयोगाकडून दखल
पाचोरा ( प्रतिनिधी ) – ग्रामपंचायत पोटनिवडणुकांसाठी आरक्षित जागेवरून निवडणूक लढवणाऱ्या उमेदवारांनी त्यांचे जात पडताळणीचे प्रस्ताव दाखल केले असल्याची पोहच पावती उमेदवारी अर्जासोबत जोडले तरी त्यांचा अर्ज ग्राह्य धरला जाणार आहे . भाजप तालुकाध्यक्ष अमोल शिंदे यांनी यासाठी राज्य निवडणूक आयोगाकडे पाठपुरावा केला होता.
ग्रामपंचायत पोटनिवडणूकीसाठी उमेदवारीसाठी इच्छुकांची कागदपत्रे जमवाजमव करून नामनिर्देशन भरण्यासाठी तारांबळ होत असतांना, निवडणूक आयोगाकडून आरक्षित जागेवर निवडणूक लढविण्याकरिता नामनिर्देशनापत्रासोबत जातवैधता प्रमाणपत्र जोडणे अनिवार्य केल्याने इच्छुक उमेदवारांमध्ये नाराजी होती.कारण निवडणूक ग्रामीण भागातील असल्याने जातवैधता प्रमाणपत्र सर्वच उमेदवारांकडे असतीलच असे नाही.त्यामुळे आरक्षित जागेसाठी लढू इच्छिणाऱ्या उमेदवारांना जातवैधता प्रमाणपत्र नसल्याने निवडणुकीपासून वंचित रहावे लागले असते.काही आरक्षित जागा यामुळे रिक्तदेखील राहू शकल्या असत्या याबाबत काही उमेदवारांनी भाजपा तालुकाध्यक्ष अमोल शिंदे यांना माहिती दिली त्यांनी जिल्हाधिकारी अभिजित राऊत यांच्याशी या वास्तवाबद्दल चर्चा केली
भाजप तालुकाध्यक्ष अमोल शिंदे यांनी पाठपुरावा केल्यानंतर आता राज्य निवडणूक आयोगाने जिल्हाधिकाऱ्यांना ३ डिसेंबररोजी पत्र पाठवुन आरक्षित जागेसाठी निवडणूक लढू इच्छिणाऱ्या इच्छुक उमेदवारांना जात पडताळणी प्रमाणपत्र अथवा प्रस्ताव जात पडताळणी कार्यालयात दाखल केल्याची पोहच नामनिर्देशनासोबत ग्राह्य धरून इच्छुक उमेदवारास निवडणूकीत भाग घेण्याची संधी द्यावी असे कळवले आहे .
आज (६ डिसेंबर ) शेवटची तारीख असल्याने बाहेरगावी जाऊन पोहच मिळवण्यात त्यांची तारांबळ होऊ नये म्हणून नामनिर्देशन सादर करण्यासाठी सायंकाळी .०५:००पर्यंत वेळ वाढवली होती पोहचपावती उमेदवारी अर्जासोबत जोडण्यासाठी आता उद्या (०७ डिसेंबर ) दुपारी १२:०० पर्यंत वेळ वाढवून देण्यात आला आहे.
