अमळनेर शहरातील घटना
अमळनेर (प्रतिनिधी) : शहरातील झामी चौकात एकाची दुचाकी अडवून त्याला शिवीगाळ करत लाथाबुक्क्यांनी तसेच फायटरने जखमी करून सोन्याची चैन आणि रोख रक्कम काढून घेतल्याची घटना दि. १ रोजी रात्री घडली आहे. अमळनेर पोलीस स्टेशनला गुन्हा दाखल करण्यात आला आहे. तीन जणांना अटक करण्यात आली आहे.
फिर्यादी मनोज ठाकरे हे दि. १ जुलै रोजी रात्री पावणे अकरा वाजेच्या सुमारास झामी चौकात गेला होता. रात्री ११ वाजता तो परत कसाली डीपी कडून येत असताना त्यांना वसीम खान, कमील उर्फ कालु रिक्षावाला, बाबा शहा, तन्वीर शहा, एजाज पठाण, असलम पठाण उर्फ अय्या तसेच अज्ञात १० ते १२ इसमानी अडवून त्याला शिवीगाळ करणे सुरू केले. एकाने फायटर नाकावर मारून दुखापत केली व इतरांनी लाठ्या काठ्यांनी मारहाण केली. तसेच त्याच्या गळ्यातील १० ग्राम सोन्याची चेन व खिश्यातील ५ हजार ६०० रुपये काढून घेण्यात आले.
मनोज ने मार वाचवण्यासाठी तेथून पळ काढला. तसेच, मनोजच्या दुचाकीचे नुकसान केले. मनोज ठाकरेच्या फिर्यादीवरून सर्व संशयित आरोपींविरुद्ध रस्ता अडवून जबरी चोरी, दंगा करण्याचा गुन्हा दाखल करण्यात आला असून पोलिसांनी अल्ताफ, वसीम खान, बाबा शहा या तिघांना अटक करण्यात आली आहे. तपास पोलीस उपनिरीक्षक भगवान शिरसाठ करीत आहेत.
