रावेर तालुक्यातील सावदा येथील घटना
रावेर (प्रतिनिधी) : तालुक्यातील सावदा येथे एका १४ वर्षीय अल्पवयीन मुलीवर तिघा नराधमांनी सामूहिक बलात्कार केल्याची घटना उघडकीस आली आहे. त्यांना अटक करण्यात आले असून त्यातील दोघांना न्यायालयात हजर केले असून त्यांना ३ सप्टेंबरपर्यंत पोलिस कोठडी सुनावली आहे. एक संशयित हा अल्पवयीन असल्याने त्यास बाल न्यायालयात हजर करण्यात आले.
सावदा ते मस्कावद रोड वरील एका शेतात तिघांनी मामाच्या गावची ओळख असल्याचा फायदा घेत तुला घरी सोडून देतो असे सांगून सावदा ते मस्कावद शेत शिवारात फुस लाऊन अल्पवयीन पिडीत मुलीचा विनयभंग केला. नंतर तिच्या इच्छेविरुद्ध आळीपाळीने लैंगिक अत्याचार केला. या बाबतची तक्रार पिडीत मुलीच्या आईने सावदा पोलिस स्टेशनला केली. या बाबत सावदा पोलिस स्टेशनला बलात्काराचा गुन्हा दाखल करण्यात आला. घटनेचे गांभीर्य लक्षात घेता,अवघ्या ३ तासाच्या आत या तिघा संशयिताना अटक केली आहे.
त्यांना न्यायालयात हजर करण्यात आले असता दोघं सज्ञान यांना ३ सप्टेंबर पर्यंत पोलिस कोठडी सुनावण्यात आली आहे. पोलीस अधीक्षक जळगाव डॉ. रेड्डी तसेच अपर पोलीस अधीक्षक नखाते यांचे आदेशाप्रमाणे उपविभागीय पोलीस अधिकारी राजकुमार शिंदे यांचे मार्गदर्शनाखाली सावदा पोलीस स्टेशनचे सपोनि विशाल पाटील, पोलीस उप निरीक्षक अमोल गर्जे व पोलीस स्टेशनकडील पथक यांनी कारवाई केली.
