धरणगाव तालुक्यातील पाळधी जवळची घटना
धरणगाव (प्रतिनिधी) : राष्ट्रीय महामार्गावरून भरधाव वेगाने जाणाऱ्या डम्परने दुचाकीला दिलेल्या धडकेत दुचाकीस्वार गंभीर जखमी झाला आहे. पाळधी पोलीस स्टेशनला गुन्हा दाखल करण्यात आला आहे.
दत्तू प्रकाश पाटील (रा.फुलपाट) असे जखमीचे नाव आहे. दत्तू पाटील हे दुचाकी क्रमांक एम.एच. १९ बी.टी. १०१५ ने फुलपाट येथे परत जात होते. त्यावेळी डम्पर क्रमांक एम एच १९ झेड ३७५१ हा जळगावकडे जात असताना दुचाकीला जोरदार धडक दिली. या अपघातात दत्तू पाटील गंभीर जखमी झाले. त्यांना खासगी रुग्णालयात उपचारासाठी दाखल करण्यात आले.
दत्तू पाटील यांच्या पत्नी मंगलबाई पाटील या फुलपाटच्या सरपंच आहेत. अपघातातील डम्पर पाळधी पोलिस चौकीत जप्त करण्यात आले असून, गुन्हा दाखल करण्यात आला आहे.
