जळगाव शहरातील अयोध्या नगरातील घटना
जळगाव (प्रतिनिधी) : जिल्ह्यात आत्महत्यांचे सत्र सुरूच आहे. जळगाव शहरात बुधवारी रामेश्वर कॉलनीत तरुणाने आत्महत्या केल्यानंतर आज पुन्हा गुरुवारी अयोध्या नगरातील तरुणाने छताला गळफास लावून घेत आत्महत्या केल्याचे समोर आले आहे. हा तरुण ३ बहिणींच्या पाठीवरील एकुलता एक भाऊ होता. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
चेतन राजेंद्र सोनवणे (वय २८, रा. अयोध्या नगर, जळगाव) असे मयत तरुणाचे नाव आहे. आई, वडील, ३ विवाहित बहिणींसह तो राहत होता. चेतन हा लक्झरी वाहनावर वाहक म्हणून तो खाजगी आस्थापनेवर काम करीत होता.(केसीएन)तर चेतनचे वडील राजेंद्र हे महानगरपालिकेत प्लम्बर म्हणून शहरात पाणी सोडण्याचे काम करतात. गुरुवारी दि. १३ फेब्रुवारी रोजी दुपारी ४ वाजेच्या सुमारास चेतनची आई घराबाहेर बसली होती. तेव्हा घरात चेतन एकटाच होता.
त्याने कुठल्यातरी नैराश्यात येऊन छताला गळफास लावून घेत आत्महत्या केली.आईच्या लक्षात आल्यावर तिने एकच हंबरडा फोडला.(केसीएन)दरम्यान, आजूबाजूच्या नागरिकांच्या मदतीने चेतनला शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले. यावेळी कुटुंबीयांनी एकच आक्रोश केला. घटनेप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
