भडगाव तालुक्यातील कजगाव येथे शोककळा
भडगाव (प्रतिनिधी) :- तालुक्यातील कजगाव येथील २२ वर्षीय तरुणाचा ९ नोव्हेंबर रोजी भडगाव जवळ भीषण अपघात झाला होता. या तरुणाचा जळगावात उपचारादरम्यान मृत्यू झाला असून कजगाव मध्ये शोककळा पसरली आहे.
अमोल रामदास साठे असे मयत तरुणाचे नाव आहे. या २२ वर्षीय तरुणाचा दिनांक ९ रोजी भडगाव नजीक अपघात झाला होता. त्यात तरुण गंभीर जखमी झाला होता. त्यामुळे त्याला पाचोरा येथे दाखल करण्यात आले होते व पुढील उपचारासाठी जळगाव येथे दाखल करण्यात आले.
उपचारादरम्यान त्याची नऊ दिवसांची मृत्यूशी झुंज अखेर अपयशी ठरली व आज शुक्रवारी १७ रोजी दुपारी त्या तरुणाचा मृत्यू झाला. कजगावांत हळहळ व्यक्त होत आहे. जुनेगाव परीसरात राहणारा हा तरुण बसस्थानक परिसरात चहा विक्री करून तो कुटुंबाचा उदरनिर्वाह करीत होता.
दि. ९ रोजी काही कामानिमित्त तो मोटारसायकने बाहेर गावी जात असताना त्याचा भडगाव नजीक अपघात झाल्याने त्याच्या डोक्याला व अन्य ठिकाणी मोठ्या प्रमाणावर दुखापत झाल्याने त्याच्यावर गोदावरी संस्थेच्या हॉस्पिटल येथे उपचार सुरू होता. नऊ दिवसांनी उपचारादरम्यान त्यांचा मृत्यू झाला. मयत अमोल साठे यांच्या पश्चात आई,वडील,दोन भाऊ, आजी, काका,काकू असा परिवार आहे.
