विविध क्षेत्रातील मान्यवरांनी केला शुभेच्छांचा वर्षाव
जळगाव (प्रतिनिधी) :- येथील आनंद हॉस्पिटल व डायलिसिस युनिटचे रविवारी दि. १३ रोजी सातव्या वर्षात पदार्पण झाले. यानिमित्त जळगावसह धुळे, बुलडाणा, नाशिक, पुणे, छत्रपती संभाजीनगर येथून विविध क्षेत्रातील मान्यवरांनी उपस्थिती देऊन शुभेच्छांचा वर्षाव केला.
जळगाव शहरातील स्टेडीयम रोडवरील प्रताप नगरातील आनंद हॉस्पिटल व डायलिसिस युनिटचे रविवार दिनांक १३ ऑक्टोबर रोजी सातव्या वर्षात पदार्पण झाले. स्वर्गीय प्रा. आनंद भंगाळे व मीना भंगाळे यांच्या अथक प्रयत्नातून हॉस्पिटलमध्ये सर्व प्रकारच्या सोयी सुविधा उपलब्ध आहेत. तसेच, डॉ. आनंद भंगाळे यांच्या मातोश्री मीना भंगाळे यांच्या एकसष्ठीपूर्ती साजरी झाली. तसेच, डॉ. भंगाळे दाम्पत्याचा गृह प्रवेश झाला.
आनंद हॉस्पिटल व डायलिसिस युनिटवर रविवारी शहराचे आ. राजूमामा भोळे, मलकापूरचे आ. राजेश एकडे, जैन उद्योग समूहाचे अध्यक्ष अशोक जैन, माजी खा.डॉ.उल्हास पाटील, भोरगाव लेवा पंचायतीचे अध्यक्ष ललित पाटील, माजी महापौर विष्णू भंगाळे, ललित कोल्हे, केमिस्ट असोसिएशनचे डॉ. सुनील भंगाळे आदीनि उपस्थिती दिली. केंद्रीय मंत्री रक्षा खडसे यांनी दूरध्वनीवरून सदिच्छा दिल्या. वैद्यकीय, शिक्षण, औद्योगिक, राजकारण, सांस्कृतिक, सामाजिक, औद्योगिक अशा विविध क्षेत्रातील मान्यवरांनी या ठिकाणी उपस्थित दिली होती. यावेळी डॉ. अमित भंगाळे, डॉ. नेहा भंगाळे , डॉ. अरविंद कोलते, आरती कोलते, मीनाताई भंगाळे यांनी शुभेच्छा स्वीकारल्या. संध्याकाळी ५ वाजेपासूनरात्री ११ वाजेपर्यंत मान्यवरांनी उपस्थिती देत शुभेच्छा दिल्या.
मुख्यमंत्री सहायता निधी व इतर शासकीय योजनामधून केल्या जाणाऱ्या सुविधा सुद्धा आनंद हॉस्पिटल व डायलिसिस युनिटमध्ये उपलब्ध आहेत. हॉस्पिटलमध्ये प्रामुख्याने नेफ्रोलोजी विभाग-लघवी प्रामुख्यान कमी जास्त होणे, अंगावर सूज येणे, लहान मुलांच्या किडनीचे आजार तसेच मेडिसिन विभागात उच्च रक्तदाब, डायलिसिस थायरॉईड ग्रंथीचे आजार व उपचार, मेंदू विकार दमा, टिबी व छातीचे आजार, डेंग्यू, मलेरिया, टायफाईड इत्यादी आजारांवर प्रामुख्याने उपचार केले जातात.
