यावल ( प्रतिनिधी )- शहरातील २५ वर्षीय महिलेला दुकानासाठी इलेक्ट्रिक व होम अपलायन्सेस वस्तू खरेदीच्या नावाखाली सुमारे साडेचार लाख रूपयांमध्ये फसवणाऱ्या अंबाजोगाईच्या व्यापाऱ्यावर यावल पोलीसात गुन्हा दाखल करण्यात आला
शुभांगी जुगल पाटील (वय-२५ , रा. गवत बाजार मेनरोड यावल) गृहिणी आहेत . त्यांनी रिमार्ट शॉपी कंपनीचे मालक विलास मोतीराम राठोड (वय-४५ , रा. अंबेजोगाई रोड ता. रेणापूर जि. लातूर ) यांनी “999 ब्रॉण्ड बाजार” या नावाने रिटेल शॉपी इलेक्ट्रिक व होम अपलायन्सेस वस्तू विक्री करण्याकरीता शुभांगी पाटील यांच्याशी संपर्क केला. या महिलेने राठोड यांच्या सांगण्यावरून वेळोवेळी साडे चार लाख रूपये दिलेल्या बँक अकाऊंटमध्ये जमा केले. राठोडने कोणताच मोबदला दिला नाही किंवा पैसे परत केले नाही. आपली फसवणूक झाल्याचे लक्षात आल्यावर या महिलेने यावल पोलीसात धाव घेतली. त्यांच्या फिर्यादीवरून यावल पोलीस ठाण्यात संशयित आरोपी विलास राठोड याच्या विरोधात फसवणूकीचा गुन्हा दाखल करण्यात आला आहे. पुढील तपास सपोनि अजमल खान पठाण करीत आहेत .
