नगरदेवळा ( प्रतिनिधी ) – अखतवाडे येथे जिल्हा परिषद सदस्य रावसाहेब पाटील यांनी उर्दू शाळेच्या बांधकामासाठी १६ लक्ष २५ हजार रुपयांचा निधी मंजूर करून घेतला आहे आज या बांधकामाचे भूमिपुज शिवसेनेचे जिल्हापरिषद गटनेते रावसाहेब पाटील यांच्या हस्ते करण्यात आले.
आखतवाडे येथे जिल्हा परिषद उर्दु शाळेची इमारत जीर्ण झाली होती. ग्रामस्थांनी वारंवार शाळा नवीन बांधण्यात यावी यासाठी रावसाहेब पाटील यांच्याकडे मागणी लावून धरली होती. त्यामुळे आमदार किशोर पाटील यांच्या मार्गदर्शनाखाली जिल्हा परिषद सदस्य रावसाहेब पाटील यांनी पाठपुरावा करून १६ लक्ष रुपयांचा निधी मंजूर करून आणला नवीन शाळेचे बांधकाम भूमिपूजन आज पार पडले.
यावेळी जिल्हा परिषद व जिल्हा नियोजन समिती सदस्य मनोहर पाटील, सरपंच सावित्रीबाई धनगर, उपसरपंच आनंदसिंग परदेशी, माजी सरपंच धनसिंग गढरी, सदस्य दीपक गढरी, कल्पना परदेशी, प्रकाश गढरी, निजाम खा. पठाण, सफायोद्दीन शेख, अकबर पठाण, राहुल राजपूत, जमशेर पठाण, प्रवीण राजपूत, मुख्याध्यापक जावेद शेख, जितेंद्र राजपूत, बालू राजपूत, पंकज गढरी, साबीर शाह, ग्रामसेवक शरद सोमवंशी यासह ग्रामस्थ मोठ्या संख्येने उपस्थित होते.
