जळगाव ग्रामीणमध्ये पुन्हा पारंपरिक लढत
जळगाव (विशेष प्रतिनिधी) :- राज्यात विधानसभेची पंचवार्षिक रणधुमाळी सुरु झाली आहे. जळगाव ग्रामीण मतदारसंघात पुन्हा एकदा पारंपरिक लढत पाहायला मिळणार आहे. पुन्हा दोन्ही गुलाबांमध्ये काट्याची टक्कर होणार असून यात अपक्ष उमेदवार म्हणून लकी अण्णा उर्फ लक्ष्मण पाटील हे एंट्री करणार असल्याने चुरस वाढणार आहे.
महायुतीकडून शिवसेना शिंदे गटाचे उमेदवार म्हणून पुन्हा एकदा पालकमंत्री गुलाबराव पाटील यांना उमेदवारी मिळाली आहे. तर गुलाबराव देवकर यांना राष्ट्रवादी काँग्रेस शरदचंद्र पवार गटाकडून उमेदवारी जाहीर झाली आहे. त्यामुळे जळगाव ग्रामीणमधील नागरिकांना पारंपरिक लढत पाहायला मिळणार आहे. पुन्हा दोन्ही गुलाब आखाड्यात समोरासमोर असून या काट्याच्या लढतीत कोण बाजी मारते याकडे राजकीय वर्तुळातून लक्ष लागून आहे.
मतदारसंघातील यापूर्वीची स्थिती
२०१९ गुलाबराव रघुनाथ पाटील शिवसेना
२०१४ गुलाबराव रघुनाथ पाटील शिवसेना
२००९ गुलाबराव बाबुराव देवकर राष्ट्रवादी काँग्रेस पक्ष
