लाखोंचे नुकसान ; मनपा,जैन इरिगेशन ,जामनेर,भुसावळ येथील बंब दाखल
जिल्हाधिकारी,आमदारांसह पोलीस घटनास्थळी दाखल ; सुदैवाने जीवित हानी नाही
जळगाव प्रतिनिधी ;– एमआयडीसी मधील आर एल चौफुलीजवळ एन सेक्टरमधील आर्यव्रत नावाच्या केमिकल कंपनीला आज सकाळी ११ वाजेच्या सुमारास भीषण आग लागली असून या आगीत लाखो रुपयांचे साहित्य जळून खाक झाल्याची माहिती समोर येत आहे. घटनास्थळी महानगरपालिका ,जैन इरिगेशन,वरणगाव भुसावळ ,नामनेर,नशिराबाद येथून आलेल्या ८ ते १० बंबांद्वारे आग विझविण्याचे काम युद्धपातळीवर सुरु आहे . आगीत नेमके किती नुकसान झाले याची आकडेवारी अद्याप प्राप्त झाली नसून सुदैवाने जीवितहानी न झाल्याचे वृत्त समोर येत आहे.
प्रत्यक्षदर्शींनी सांगितले कि आग इतकी भयानक होती कि ४ ते ५ किलोमीटर परिसरातून अग्नीच्या ज्वाळा आणि धूर दिसत होता . हि घटना घडल्याची माहिती कळताच जिल्हाधिकारी रोहन घुगे, पोलिसदेखील घटनास्थळी दाखल झाले आहेत . आग विझविण्याचे काम अद्याप सुरु असल्याची माहिती सूत्रांनी दिली आहे. दरम्यान जिल्हाधिकाऱ्यांनी रोहन घुगे यांनी आग शॉर्टसर्किटने लागल्याची शक्यता वर्तविली . तसेच आमदार राजूमामा भोळे यांनीही घटनास्थळी धाव घेऊन पाहणी केली. याप्रसंगी नागरिकांनी मोठ्या संख्येने गर्दी केल्याचे चित्र पाहायला मिळाले
