उमेदवार अमोल पाटील यांचे उपस्थितीचे आवाहन
एरंडोल (प्रतिनिधी) :- येथील एरंडोल-पारोळा विधानसभा मतदारसंघात भाजप-शिवसेना महायुतीचे उमेदवार अमोल चिमणराव पाटील यांच्या प्रचारार्थ प्रसिद्ध सिनेअभिनेता गोविंदा आहुजा हे दि. १६ रोजी संध्याकाळी ५ वाजता येत आहे. त्यांचा रोड शो एरंडोल शहरात आयोजित करण्यात आला असून कार्यकर्ते पदाधिकारी यांनी उपस्थित राहावे असे आवाहन आ. चिमणराव पाटील यांनी केले आहे.
महायुतीचे उमेदवार अमोल चिमणराव पाटील यांच्या प्रचाराने दिवसेंदिवस आघाडी घेतली आहे. सर्व वयोगटातील नागरिकांच्या मनात अमोल पाटील हे लोकप्रिय उमेदवार झाले आहेत. एरंडोल-पारोळा विधानसभा मतदारसंघात पदाधिकारी, कार्यकर्ते त्यांच्यासाठी मेहनत घेत आहे. अभिनेता गोविंदा यांचा भव्य रोड शो एरंडोल शहरात भारतरत्न डॉ. बाबासाहेब आंबेडकर चौक येथून सुरुवात होऊन क्रांतिज्योती महात्मा फुले यांचा पुतळा परिसर, नागोबा मढी, अमळनेर दरवाजा श्री विठ्ठल मंदीर, पांडव वाडा, श्रीराम मंदीर, जे.डी.सी.सी. बँक, राजे छत्रपती शिवाजी महाराज पुतळा, बुधवार दरवाजा, जुना भट्टी रंगारी खिडकी पुल, श्री दत्त मंदीर, जय हिंद चौक, मेनरोड, मराठे गल्लीहुन गुरूव्दारा येथे रॅली मार्गाची समाप्ती होणार आहे.
