वरगव्हाण ;- येथील जि प प्राथ. शाळा येथे प्रताप रणखांब यांच्या जन्मदिनानिमित्त सामाजिक बांधीलकी सोहळा साजरा करण्यात आला. त्यानिमित्ताने शाळेला ऑफिस लाॅकर कपाट भेट देण्यात आले. याप्रसंगी बळीराजा परिवाराचे महेश पाटील नवनिर्वाचित सरपंच भूषण पाटील, सदस्य रविंद्र पाटील, . जहांगीर तडवी, सुनिल पावरा, . प्रताप बारेला, शाळा व्यवस्थापन समितीच्या अध्यक्षा हसिना तडवी, सदस्य . लतीफ तडवी, आशा सोनवणे , शरिफ तडवी आदि उपस्थित उपस्थित होते .विद्यार्थ्यांच्या हितासाठी व दप्तराचे ओझे कमी करण्यासाठी शासन राबवित असलेल्या उपक्रमाला हातभार लागावा हाच उद्देश आहे. याप्रसंगी प्रताप रणखांब यांचा वाढदिवस साजरा करण्यात आला. गणेश पाटील यांनी आपल्या मनोगतात शाळा विकासासाठी कसा निधी उपलब्ध करावा याविषयी मार्गदर्शन केले. तसेच ज्या समाजात आपण जन्माला आलो त्याचे आपण देणं लागतो., अशी भावना व्यक्त केली. तसेच शाळेच्या मुख्याध्यापिका . मंगला पाटील यांनी दात्यांचे आभार मानत शाळा विकासाची अजून एक टप्पा आम्ही गाठला व लवकरच शाळेचा परिपूर्ण विकास साधण्याचा मानस बोलून दाखविला.. यासप्रेम भेटी बद्दल महेंद्र पाटील, इंद्रायणी सर्व्हिसेस चे संचालक(पुणे) व शिक्षण प्रेमी . गजानन पाटील यांनी बळिराजा परिवाराचे आभार मानले, सूत्रसंचालन राकेश पाटील तर आभार रविंद्र पाटील यांनी मानले.
