जळगाव ;- दुचाकी चोरणाऱ्या अट्टल चोरट्याला स्थानिक गुन्हे शाखेच्या पथकाने अटक केली असून गोपाल भगवान
कोळी असे चोरट्याचे नाव आहे . याबाबत माहिती अशी कि, पोलीस अधीक्षक डॉ.प्रविण मुंढे, अपर पोलीस अधीक्षक चंद्रकांत गवळी जळगाव
यांनी स्थानिक गुन्हे शाखेस मोटार सायकल चोरीचे गुन्हे उघडकीस आणणे कामी पथके स्थापन करणे बाबत सुचना वा मार्गदर्शन केले होते.
त्याअनुषंगाने स्थानिक गुन्हे शाखेचे पोलीस निरीक्षक श्री.किरणकुमार बकाले यांनी स्थानिक गुन्हे शाखेकडील पोहेकॉ.विजयसिंग पाटील,जितेंद्र पाटील,नितीन बाविस्कर, राहुल पाटील, प्रीतम पाटील यांना रवाना केले होते. पोलीस निरीक्षक श्री.किरणकुमार बकाले यांना गोपनिय माहिती मिळाली की, सन २०१६ मध्ये एम आय डी सी पोलीस स्टेशन चे गुन्हयातील मोटार सायकल गोपाल भगवान कोळी याने चोरी केली असुन सध्या तो ती मोटार सायकल चा वापर करीत आहे. वरील पथकाने गोपाळ भगवान कोळी वय – ३५ रा.जोशीवाडा , मेहरुण जळगाव याचा जळगाव शहरात शोध घेतला असता तो मिळुन आला नाही. सदर संशईत हा किनोद गावी गेले असल्याची माहिती पथकास मिळाल्याने त्याचा किनोद ता.जळगाव येथे जावुन शोध घेतला असता तो मिळुन आला व त्याचे ताब्यात एम आय डी सी पोलीस स्टेशन भाग – ५ गुरन. १८८/२०१६ भादवि.क.३७९ मध्ये चोरीस गेलेली हिरो मॅस्ट्रो कंपनीची गाडी मिळुन आल्याने त्यास गाडीसह ताब्यात घेवुन एम आय डी सी पोलीस स्टेशन भाग – ५ गुरन.१८८/२०१६ भादवि.क.३७९ चे तपास कामी एम आय डी सी पोलीस स्टेशनचे ताब्यात देण्यात आलेले आहे.
