जळगाव : येथील दौलत नगर परिसरात राहणाऱ्या किड्स गुरुकुलच्या प्राचार्यांच्या बंद घराचे कुलूप तोडून अज्ञात चोरटयांनी सोन्याच्या दागिन्यांसह रोकड असा ७ लाखांचा मुद्देमाल चोरून नेल्याची घटना आज सकाळी उघडकीस आली असून परिसरात खळबळ उडाली आहे.
दौलत नगरातील मुख्य रस्त्यावरच प्लॉट क्र.२६ मध्ये मीनल जैन या वास्तव्याला असून गेल्या महिनाभरापासून त्या आई प्रेमलता, वडील संतोष जैन, भाऊ नितीन जैन व वहिणी कृती जैन यांच्यासह किडस् गुरुकूल स्कूलमध्येच वास्तव्याला होते. अधूनमधून त्यांचे घरी येणे-जाणे होते. तीन दिवसापूर्वीच घरी येऊन परत शाळेत गेल्या होत्या. मंगळवारी सकाळी शेजारी राहणारे गजानन चावदस मराठे यांनी मोबाईलवर संपर्क केल्यानंतर चोरी झाल्याचा प्रकार उघड झाला .
चोरटयांनी कपाटात व बेडमध्ये ठेवलेले दागिने, रोेख रक्कम, नकली दागिने, शाळेचे महत्वाचे कागदपत्रे, मालमत्तेचे कागदपत्रे त्याशिवाय बक्षीस म्हणून मिळालेल्या महागड्या वस्तू चोरट्यांनी लांबविल्याचे दिसून आले.
यांनी केली पाहणी
घटनेची माहिती मिळाल्यानंतर सहायक पोलीस अधीक्षक डॉ.नीलाभ रोहन, रामानंद नगर पोलीस स्टेशनचे निरीक्षक अनिल बडगुजर, सहायक फौजदार गोपाळ चौधरी, हवालदार अनिल फेगडे यांच्यासह स्थानिक गुन्हे शाखेचे विजयसिंग पाटील, राजेश मेढे, संजय हिवरकर, विजय काळे व सहकाºयांनी घटनास्थळी धाव घेऊन पाहणी केली. श्वान पथकालाही पाचारण करण्यात आले होते,मात्र त्यांच्याकडून माग शोधण्याचा प्रयत्न केला. परिसरातील सीसीटीव्ही कॅॅमेरेही पोलिसांकडून शोधले जात होते.
