चाळीसगाव ;-सध्या शेतीची कामे सुरु असून शेतीसाठी बी बियाणे घेण्यासाठी जात असतांना अज्ञात वाहनाने दिलेल्या धडकेत शेतकरी जागीच ठार झाल्याची घटना आज येथे दुपारी १ वाजेच्या सुमारास घडली असून चरणदास चव्हाण (वय- ४८ रा. तळोंदा ता. चाळीसगाव) असे मयत व्यक्तीचे नाव आहे.
चरणदास हे बि- बियाणे घेण्यासाठी आज दुपारी १ वाजेच्या सुमारास दुचाकीवर (क्र. एम.एच. १९ एफ- ३१३३) चाळीसगावाकडे जात असताना अज्ञात वाहनाने दुचाकीला जोरदार धडक दिल्याने त्यातच त्याचा जागीच दुदैवी मृत्यू झाला. हि घटना राष्ट्रीय महामार्ग २११ वरील हरभोले हॉटेलसमोर घडली असून अपघात घडताच वाहनधारक हा पसार झाला. पीएसआय भागवत पाटील, पोहेकॉ शामकांत सोनवणे, पोलिस नाईक सोनार, गणेश पवार, नितीन अघोने व चालक काळे आदींनी घटनास्थळी धाव घेऊन पाहणी केली. मयत चरणदास यांच्या पश्चात पत्नी, दोन मुले व एक मुलगी असा परिवार आहेत.
