नवी दिल्ली(वृत्तसंस्था ) ,;- भारत सरकारने तब्बल 90 दिवसांनंतर आंतरराष्ट्रीय उड्डाण सुरू करण्याचा निर्णय घेतला आहे. याकरता फ्रान्स आणि अमेरिकेबरोबर एका द्विपक्षीय करारावर हस्ताक्षर करण्यात आले आहेत. यानुसार आता हे देश शुक्रवारपासून आंतरराष्ट्रीय उड्डाण सुरू करू शकतात. केंद्रीय नागरी उड्डाण मंत्री हरदीप सिंग पुरी (Civil Aviation Minister Hardeep Singh Puri) यांनी ही माहिती दिली आहे. त्यांनी अशी माहिती दिली आहे की, यासारखे करार काही दिवसात जर्मनीबरोबर देखील करण्यात येतील. म्हणजे जुलै किंवा ऑगस्टपर्यंत या देशांसाठी फ्लाइट्स सुरू होतील.
येणाऱ्या काही दिवसात भारत आणि इंग्लंडदरम्यान दिल्ली-लंडन ही फ्लाइट दिवसातून दोन वेळा उड्डाण भरेल. त्याचप्रकारे जर्मनीमधील लुप्थांसा एअरलाइनबरोबरची चर्चा शेवटच्या टप्प्यात आली आहे. भारताकडून फ्रान्स आणि अमेरिकेत एअर इंडियाची विमानं उड्डाण भरणार आहेत.
कोरोना लशीची माहिती हॅक करण्याचा केला जात आहे प्रयत्न, ‘या’ देशावर आरोप
शनिवारपासून सुरू होणार 28 आंतरराष्ट्रीय उड्डाणं
18 जुलैपासून एअर फ्रान्स 28 आंतरराष्ट्रीय उड्डाणं दिल्ली, मुंबई, बेंगळुरू आणि पॅरिसदरम्यान सुरू करणार आहे. अमेरिकेकडून युनायटेड एअरलाइन 18 आंतरराष्ट्रीय उड्डाणं 17 जुलै ते 31 जुलै दरम्यान सुरु करणार आहेत.
