जामनेर तालुक्यात पळसखेडा मीराचे गावाजवळ घटना
जामनेर (प्रतिनिधी) : तालुक्यातील पळासखेडा मीराचे गावाजवळ घरी परतणाऱ्या मजूर तरुणाचा विजेच्या खांब्यावर धडकून भीषण अपघात शनिवारी दि. २५ जानेवारी रोजी संध्याकाळी ७ वाजता झाला होता. त्याच्यावर उपचार सुरु असताना शासकीय वैद्यकीय महाविद्यालय व रुग्णालयात मृत्यू झाला आहे. याप्रकरणी पोलीस स्टेशनला घटनेची नोंद घेण्याचे काम सुरु होते.
संतोष गोविंदा टाकरे (भिल, वय ३५, रा. पाळधी ता. जामनेर) असे मयत तरुणाचे नाव आहे. तो पाळधी गावात आई, पत्नी, ५ मुले असा परिवार आहे. तो मिस्तरीच्या हाताखाली मजुरी काम करून परिवाराचा उदरनिर्वाह करीत होता.(केसीएन)दरम्यान, शनिवारी दि. २५ जानेवारी रोजी संतोष भिल हा पळसखेडा गावाकडे गेला असताना तेथील काम आटोपून घरी परतताना त्याची दुचाकी (एमएच १९ – ३५५०) हि खांब्यावर धडकली. घटनेत संतोष हा गंभीर जखमी झाला.
नातेवाईकांनी त्याला तत्काळ शासकीय वैद्यकीय महाविद्यालय व रुग्णालयात उपचारासाठी दाखल केले. दरम्यान, उपचारांती मंगळवारी दि. २८ जानेवारी रोजी पहाटे ४ वाजता त्याचा मृत्यू झाला.(केसीएन)यावेळी कुटुंबीयांनी मन हेलावणारा आक्रोश केला. घटनेमुळे पाळधी गावावर शोककळा पसरली आहे. पोलीस स्टेशनला घटनेची नोंद घेण्याचे काम सुरु होते.
