जळगाव एमआयडीसी पोलीस स्टेशनची कारवाई
जळगाव (प्रतिनिधी) :- शहरातील मेहरूण परिसरात दुचाकी चोरीस गेल्याबाबत दाखल गुन्ह्यात एमआयडीसी पोलीस स्टेशनने दोन संशयित आरोपींना जेरबंद केले आहे. त्यांच्यावर गुन्हा दाखल करण्यात आला असून त्यांनी चोरीची दुचाकी काढून दिली आहे. त्यांना पोलीस कोठडी सुनावण्यात आली आहे.
साजिद हबीब खाटीक (वय-१९, रा. मेहरूण जळगाव) यांची दि. ११ जानेवारी रोजी रात्री ८ वाजेच्या सुमारास घरासमोर ४५ हजारांची हिरो होंडा कंपनीची मोटरसायकल (एम.एच १९ ए.आर ५३४७) अज्ञात इसमाने चोरुन नेली होती. त्याच्या विरोधात एमआयडीसी पोलीस ठाण्यात गुन्हा दाखल करण्यात आला होता. सदर गुन्हयात पोलीस निरीक्षक संदीप पाटील यांना मिळालेल्या गुप्त बातमी वरुन यातील संशयित आरोपी दिपक दयाराम ( वय-३४) व दिपक एकनाथ शेलै (वय-३१, दोघे रा. रेणुकानगर, जळगाव) यांना दि. १४ जानेवारी रोजी रात्री २ वाजता जळगाव शहरातील भिलपुरा चौकी भागातून ताब्यात घेण्यात आले आहे.
त्यांनी चोरी केलेले मोटरसायकलची कबुली दिली. सदर संशयित आरोपी यांना न्यायालयात हजर केले असता पोलीस कोठडी देण्यात आली आहे. पोलीस कोठडी दरम्यान गुन्हांतील ४५,०००/- रु किंची हिरोहॉण्डा कंपनीची स्लेडर मोटरसायकल क्र (एम एच १९ ए आर ५३४७) अशी जप्त करण्यात आली आहे. सदरची कार्यवाही पोलीस अधिक्षक डॉ. महेश्वर रेडडी, अपर पोलीस अधिक्षक अशोक नखाते, उपविभागिय पोलीस अधिकारी संदीप गावित, पोलीस निरीक्षक संदीप पाटील यांचे मार्गदर्शनाखाली पो.उप.नि राहुल तायडे, पो.उप.नि चंद्रकांत धनके, तसेच पोहेकों गणेश शिरसाळे, पोना विकास मारोती सातदिवे, किशोर पाटील, योगेश बारी, पोकों गणेश ठाकरे, अफजल बागवान, शनिपेठ पोस्टेचे पोकॉ अनिल कांबळे व पोकों पराग दुसाने अशांनी केली आहे.
